Forum

Ako isip ako, dili ...
 
Notifications
Clear all

Ako isip ako, dili usa ka maestro


Marcus
(@marcus)
New Member
Joined: 1 month ago
Posts: 2
Topic starter  
Daghay nag-ingon nako ug eng ani:
 
1. Sir, dagko lage kag hinatagan ug grado?
2. Nganung way bagsak sa klase nimu?
3. Nganung musugot man ka ug naay uban nga panagsa ra musod sa imung klase? Sige'g absent?
4. Ug nganung mura ra nimug barkada sila? Diba maestro ka?
5. Diba dapat mas taas ka nila kay maestro gud ka?
 
Diko kahibawo unsaon ni pagtubag sa literal nga paagi, pero mao ni akong pagsabot:
 
1. Grado ba ang basehan nga makaingun ta ug malambuon ang usa ka bata? Sa tinuod nga kinabuhi, daghay propesyunal nga dili anad sa academics pero nagmalampuson sa ilang kinabuhi. Diskarte ug hardwork rana magdaug.
 
Permi ko muingon sa akong mga studyante nga "ayaw ikulong ang inyong kaugalingun sa sulod sa upat ka haligi sa classroom, tungod kay ang tinuod nga hagit sa kinabuhi mahitabo sa gawas." Way pulos ang pagka-bright nimu ug dili ka kahibalo makig-ingon-ingon sa mga tawo ug wala kay respeto.
 
2. Malooy ko, malooy ko ug naay studyante nga mahagbong sa akng klase tungod kay ang ilang pag-eskwela dili eng-ana kadali. Naay mga ginikanan nga nanarbahug taman ug nangutang para lang maka-eskwela ilang mga anak, mga studyante nga magbaklay ug lagyo kaayo padung sa eskwelahan tungod kay walay kwarta nga ikaplete ug naay studyante nga isakripisyo iyang budget sa pagkaun para lang magamit panghimu ug project para lang makapas. Maong be considerate.
 
3. Naay studyante nga sila mismo ang naningkamut ug trabahu para sa ilang pamilya ug para sa ilang pangandoy. Kung akoang ihagbong ag usa ka studyante nga usahay ra musod sa klase tungod kay nanarbahu, mura ra ko ug nagbungkag sa iyang gipaningkamutan nga pangandoy. Unsaun na lang ag iyang gipaningkamutan sa kinabuhi? Ang iyang pangandoy?
 
4. Naay gina-ingon nga " a good teacher touches the mind, soul and heart of the students." Oo, mura ra nakog igsuon, dili tuNgod kay ganahan kog manghudd kay ako may kinamagwangan, kundi ako ang usa ka tawo nga nisalig sila, ana sila nimu muduol ug naa silay problema. Dili nato sayangan ang kahigayunan nga gihatagan ta nila ug importansiya tungod kay mao niy usa ka bulawan nga atong maitago hangtud - PAGSALIG NILA NIMO.
 
5. Ako isip usa ka ginikanan dili usa ka maestro, mga muhatag ug panghimangno sa sakto ug dili sa sayop; ako isip usa ka igsoon dili usa ka maestro, nga mutabang sa oras nga maningahanglan sila ug tabang; ako isip usa ka amigo dili usa ka maestro, nga musuporta sa kalipay ug kasakit nga ilang naagian.
 
Ako isip ako, dili usa ka maestro
 
Credit: Sir Armando Briones

Quote
Share: