Teacher na nagsuot ng bagong uniporme, viral
Inaasahang magagamit na ng mga guro ang bagong uniporme nila sa papalapit na pasukan. Ito ay inaasahang isusuot nila ngayong School Year 2021-2022. Kaugnay dito, nag viral naman sa socmed ang post ng isang guro na si Ma’am Xiara Li Acosta ng Davao. Sa kanyang viral na post ay tila siya ang model ng bagong uniporme ng DepEd. Bagay na bagay sa kanya ang bagong uniporme at sinabayan pa ito ng ka kulay na face mask na dagdag points din.
Nakakatuwang tingnan ang bagong sets ng uniporme ng mga guro na maganda din naman pala. Syempre, dagdag points na din ang pagka seksi ng modelong guro kaya magandang tingnan ito. Sa mga gurong “single” at bata pa, makikita na nila ang kanilang sarili na naka uniporme. Kadalasan naman kasi ng mga batang guro ay balingkinitan pa ang katawan.
Para naman sa mga gurong may asawa na at medyo may dagdag na ang timbang, kayo nalang din ang humanap ng anggulo. Nasa pag bagay-bagay nalang yan kung paano dalhin ang uniporme para gumandang tingnan. Mabutihin ding humanap ng sastre na magaling sa “fitting” at mahusay sa pananahi. Medyo may kamahalan na din kasi ang mga mananahi ngayon.
Napaka importante ng uniporme sa propesyun ng mga guro. Mula noon hanggang ngayon, hindi na mabilang ang unipormeng nagdaan sa mga taon. Ang bagay na mas nakagagalak ay ang uniporme ng mga guro ay pareho ang disenyo sa lahat ng rehiyon. Masasabi nating may “harmony” sa mga kaguruan at talagang makikilala natin sila. Ang uniporme ay nagsisilbing pagkakakilanlan ng mga guro. Kahit saang lupalop ng Pilipinas, makikilala mo sila. – Clea | Helpline PH
