DepEd Staff nag-suicide

Isang staff ng Department of Education (DepEd) ng San Mariano, Isabela ang patay matapos tumalon sa Naguilian Bridge sa nasabing lalawigan noong Biyernes.

Ayon kay Naguilian Police Station (NPS) deputy chief-of-police P/Lt. Frederico Dulay, bago matagpuan ang katawan ng 26-anyos na biktima ay nakatanggap sila nang tawag na isang lalaki ang tumalon sa tulay.

Agad namang rumesponde ang mga pulis kasama ang local rescue team at dito nakita ang palutang-lutang na bangkay ng biktima sa ilog.

Sinabi ng NPS, sa panayam sa pamilya ng biktima na umalis ang huli matapos makitagtalo sa kanyang pamilya at hindi na umuwi.

Ayon kay Dulay, bagamat walang nakikitang anumang sugat o galos sa katawan ng biktima, kailangan pa ring maisailalim sa post mortem examination ang labi nito.