Babala ng DepEd: Iwasan magsolicit para sa gagawing closing at graduation ceremonies

Nagpaalala ang Department of Education sa mga School Head at guro na iwasan na ang pag- solicit para sa medal o anumang gastusin sa graduation ceremonies.

Binigyang diin ni Camarines Norte Schools Division Superintendent Nympha Guemo na lahat ng gastusin, medalya man ribbon o certificate ay hindi na dapat ipanghingi.

Mayroon umano itong allocation sa Maintenance and Other Operating Expenses (MOOE) ng eskwelahan.

Nakalagay sa mga items na gagastusan ng MOOE ang closing activities ng bawat paaralan.

Nilinaw din nito na pinapayagan na ang pagsasagawa ng face-to-face closing o graduation activities basta masiguro lang na masusunod ang health protocols.