Skip to content

Dapat suriin kung natututo nga ba ang mga kabataan sa ilalim ng distance learning setup – Gatchalian

Natututo nga ba ang mga kabataan

Nais masuri ni Senator Win Gatchalian kung natututo nga ba ang mga mag-aaral sa ilalim ng distance learning setup. Ito’y sa kabila ng paninindigan ang DepEd na walang malinaw na basehan ang mga ulat ng massive dropouts.

Para sa kanya, isang nakakabahalang sitwasyon kung tumaas ang bilang ng mga mag-aaral na hindi handa para sa susunod na antas ng pag-aaral.

Ayon pa sa Senador, masasayang lamang ang panahon at salapi na ibinuhos sa isang buong school year kung umabot sa sitwasyon na wala palang sapat na natututunan ang mga mag-aaral.

Kaya mahalaga ang papel ng assessment sa distance learning para malatag kung saang aspeto ang dapat tutukan at malaman kung saan nahihirapan ang mga mag-aaral.

Para kay Gatchalian, ang pag alam sa mga ito ay makakatulong para sa pag-target ng mga mag-aaral kung kinakailangang magsagawa ng mga remedial programs.

“Ang ating layunin ay masigurong ang ating mga mag-aaral ay natututo at hindi umuurong ang kanilang kaalaman sa ilalim ng distance learning. Kaya mahalaga ang assessment tools upang matukoy natin kung saang aspeto natin sila dapat tulungan,” ani Gatchalian.

Dagdag ni Gatchalian, dapat ding suriin kung mabisa nga ba ang paggamit ng iba’t ibang paraan ng pagtuturo, kabilang ang modular distance learning, online learning, at paggamit ng radyo at telebisyon.

5 thoughts on “Dapat suriin kung natututo nga ba ang mga kabataan sa ilalim ng distance learning setup – Gatchalian”

  1. assessment is very important to let us know their understanding on the topic on the learning modules and it serves us as a guide on what intervention we should give to them based on the outcomes.

  2. Kristy Mae P. Muhammad

    Assessment is important to know if the student learn. This will also help us distinguish where and what part of the student struggles and how can we give remedy.

Leave a Reply

Your email address will not be published. Required fields are marked *