Helpline PH

Your one-stop resource for government services in the Philippines

Pagkuha ng Community Tutors at School Nurses Ipinasasama Sa Budget ng DepEd

Pagkuha ng Community Tutors at School Nurses Ipinasasama Sa Budget ng DepEd

Inirekomenda ni ACT Teachers Partylist Rep. France Castro na isama sa panukalang budget para sa susunod na taon ang pagkuha ng community tutors at school nurses.

Saad ni Castro na dapat kunin sa pondo ng Department of Education ang pagkuha ng 50,000 community tutors.

Ipinaliwanag ni Castro na ang mga community tutor ang tutulong sa milyong-milyong kabataan na naka-enrol sa pamamagitan ng modular distance learning.

Dagdag pa ng kongresista na tututukan din ng mga community tutor ang mga non-reader at non-independent learner at ang mga estudyanteng ang mga magulang ay walang kapabilidad na sila ay turuan.

“For this purpose, I propose an appropriations of P11,813,900,000,” pahayag ni Castro.

Inirekomenda rin ng kongresista ang pagkuha ng 1,000 full-time school nurses para sa limited face-to-face classes.

Nais ni Castro na maglaan ang DepEd ng P491,458,000 para sa hiring ng school nurses.

OUR LATEST POST